Ардчилсан намын Үндэсний зөвлөлдөх хороо маргааш 15:00 цагт хуралдана гэсэн товтой байгаа. Сонгуулиас хойш шинэчлэл ярьж байгаа тус намын олон гишүүд уг хурлыг тэсэн ядан хүлээж байгаагаа хэлцгээж буй. Ямар ч байсан хуралдаанаар намын шинэ дүрмийг хэлэлцэнэ, 12 дугаар сарын 6-нд болох Ардчилсан намын Их хурлын бэлтгэл ажлыг хангах, зохион байгуулах ажлын хэсэг байгуулагдах байх гэсэн зүйлийг гишүүн асан Б.Гарамгайбаатар хэлж байна.
Ардчилсан намыг шинэчлэх ёстой гэж үзэж байгаа хүмүүсийн тухайд ч байр сууриа илэрхийлцгээж байгаа. Нээлттэй Ардчилсан нам шинэчлэлийн нэгдсэн хөдөлгөөнийхөн АН-ын Гүйцэтгэх зөвлөлийн төлөөлөлтэй уулзаж шаардлага өргөн бариад байгаа. Тэд АН-ын дүрмийн төслийг институт, АН доторх фракц, зарим гишүүд боловсруулж байгаа гэж хэлцгээж байна. Тус хөдөлгөөний зүгээс АН-ын удирдлагуудад хандаж дараах шаардлагуудыг тавьсан.
АН-ын үндсэн дүрмийн шинэчлэлийн ажлын хэсгийн бүтцийн төслийг яаралтай ҮЗХ-гоор батлуулах, АН-ын дүрмийн шинэчлэлийн ажлын хэсгийн бүрэлдэхүүнд тавих шаардлагыг ил болгох, АН-ын дүрмийн шинэчлэлийг хэлэлцүүлэх журмыг батлах, АН-ын Их хурлыг зохион байгуулах ажлын хэсгийн бүтцийн төслийг яаралтай бэлэн болгох, АН-ын Их хурлын төлөөлөгчдийг сонгох журмын төслийг батлах, Нээлттэй Ардчилсан нам шинэчлэлийн нэгдсэн хөдөлгөөний боловсруулсан намын шинэчлэлийн үзэл баримтлалыг ҮЗХ-гоор батлуулахыг шаардаж байгаа аж.Тус хөдөлгөөний зохицуулагч С.Эрдэнэболд хэлэхдээ ҮЗХ-гоор өөрсдийн ханцуй дотор наймаалцсан дүрмийн төслийг авч ирээд зүтгүүлэх юм бол бид эсэргүүцнэ. Тиймээс дүрмийг төслүүдийг ил болгох хэрэгтэй гэж байсан юм.
Эх сурвалж: Шуурхай.мн
Холбоотой мэдээ
Comments are closed.