Эрдэнэт” үйлдвэрийн ТУЗ-ийн 7 гишүүнийг албан ёсоор батламжлаад байгаа. Одоо гүйцэтгэх захирлаар хэн ирэх вэ гэдэг нь хүлээлт үүсгэсэн сэдэв болоод байгаа юм. Өнгөрсөн өдрүүдэд Т.Бадамжунай, Г.Алтан нарын нэрс дуулдаад байсан. Тэгвэл Г.Алтанг лав Эрдэнэтийн захирлаар томилохгүй гэсэн байр суурийг Ц.Нямдорж гишүүн чуулган дээр илэрхийлэв. Г.Алтанг томилох нь Ц.Нямдоржийн санаа гэсэн бор шувуу нисээд байгаа юм.

Харин Ц.Нямдорж хэлэхдээ  “Ц.Нямдорж “Эрдэнэт” үйлдвэрт Алтанг тавих гэж зүтгэж байна гэсэн гүтгэлэг явж байна. Ийм хүн Эрдэнэтэд очихгүй. Энэ тухай ямарч яриа хэнтэй ч би яриагүй. Үүнийг хариуцлагатайгаар мэдэгдэж байна. Увсын хүн тавигдахгүй. Мөн Нямдорж намын дарга болох гэж энэ бүхнийг хийж байна гэх яриа байна. Тийм юм байхгүй. Би Эрдэнэтийн захирлыг нь  соль гэж ярьж байсан. Ердөө л энэ. Асар их доромжлог гүтгэлэг явж байна. Энэ сэдвээр ярьсан хүн болгоныг харлуулах гутаан доромжлох компанит ажил явж байна” хэмээн хэллээ. Тэгэхээр нисээд байгаа бор шувуу ямартай ч худал бололтой.

За харин Т.Бадамжунайгийн нэрийг үгүйсгэсэн тайлбар одоогоор гараагүй байгаа юм.

Эх сурвалж: Шуурхай.мн