АНУ-ын Висконсин мужийн Нью-Ричмонд хотын анчин Жордан Максон ойн цоорхойд нэгэн залуу бугатай тааралдсан аж. Тэрбээр зэрлэг амьтныг ой мод руу шургаж орохыг хүлээсэн ч буга зугтаахын оронд анчин эр рүү дөхөж ирсэн байна. Ойн амьтан түүнд дэндүү ихээр ойртсон тул анчин эр түүний духыг илжээ.

Энэ явдал таван минут орчим үргэлжилсэн гэнэ. 20 гаруй жил ан хийсэн Максон нэг ч удаа ийм зүйлтэй тулгарч байсангүй. Тийм учраас мань хүн энэ сэтгэл хөдөлгөсөн мөчийн дараагаар бугын аминд хүрч чадаагүй аж. Гар утсаараа авч YouTube дээр тавигдсан бичлэгийг таван өдрийн дотор 100 мянга орчим хүн үзэж сонирхжээ.

Эх сурвалж: Wikimon.mn