-ХУУЛЬ ЗӨРЧИН ХОРИОТОЙ БҮСЭД ҮЙЛДВЭР БАЙГУУЛЖЭЭ-

Нийслэлийн Баянзүрх дүүргийн 11 дүгээр хорооны нутаг Хонхорт буюу нийслэлийн төвлөрсөн ус хангамжийн тэжээлийн бүсэд хамаарах газар “Заламт гол” компани хаягдал аккумляторыг хагалж, хар тугалгыг нь ялган авч БНХАУ-д экспортолдог байна. Тэнд дахин боловсруулах үйлдвэр барих боломжгүй гэтэл тус компани хаягдал аккумлятор дахин боловсруулах үйлдвэр байгуулаад гурван жил үйл ажиллагаа явуулж байгаа юм. Акумляторын хүчил нь хүн, байгаль, мал амьтанд асар их хор хөнөөлтэй бодис атал 10 давхар сендвичин байшинд ямар ч аюулгүй ажиллагааны технологи байхгүй “Заламт гол” компанийн акумлятор дахин боловсруулах үйлдвэр нь хүчлээ хаана хадгалж, хаана асгадаг нь тодорхойгүй байсаар өдий хүрчээ. Иймд одоогийн байдлаар ойр орчимд нь амьдардаг гурван хүүхэд хордож, мал амьтан үхсээр байна. Хаягдал аккумлятор дахин боловсруулах үйлдвэр нь Туул голыг тэтгэдэг Богд уулын ай сав газрын зүүн хойд хормой, Хөлийн голын голдирол усан хангамжийн тэжээлийн мужид байгаа нь наад захын хог хаягдлын хууль болоод усны тухай хуулийг ноцтойгоор  зөрчиж буй үйлдэл юм.

Өнөөдрийг хүртэл Монголд хар тугалга боловсруулах стандарт байдаггүй. Ийм нөхцөлд дахин боловсруулах үйлдвэр барих бол Байгаль орчинд нөлөөлөх байдлын нарийвчилсан үнэлгээ хийлгэж салбар яамаар батлуулах ёстой. Гэтэл “Заламт гол” компани 2013 оноос жил гаруй хугацаанд Байгаль орчны үнэлгээ ч үгүй ажиллажээ. Мөн Байгаль орчин, аялал жуулчлалын яамны харъяа Туул голын сав газрын зөвлөл уг үйлдвэрийг усны тэжээлийн бүсэд байгаа учраас дахин боловсруулах үйлдвэр байгуулж болохгүй гэдэг шийдвэрийг гаргажээ. Гэтэл тус яамны Химийн үндэсний зөвлөл “Заламт гол” компанид хаягдал аккумлятор дахин боловсруулах үйлдвэр байгуулах зөвшөөрлийг нь олгочихсон байгаа юм. Химийн үндэсний зөвлөл зөвшөөрөл олгохдоо яамнаасаа гарсан шийдвэрийг судалж үзээгүй гэхэд эргэлзээтэй. Мөн хууль хяналтын зарим байгууллага ч тодорхой хэмжээнд үйл ажиллагааг хориглож байсан байдаг. Тодруулбал, 2013 онд иргэдийн хүсэлтээр цагдаагийн байгууллага шалгалт хийж тус үйлдвэрийн үйл ажиллагааг зогсоож байж

-ГУРВАН ХҮҮХЭД ХОРДСОН Ч ТӨРИЙН БАЙГУУЛЛАГУУД ХОРГҮЙ ГЭСЭЭР ДҮГНЭЖ ЯВАХАД “ЗАЛАМТ ГОЛ” КОМПАНИЙ ЗАХИРАЛ Ц.УУГАНБАЯР ОРОН НУТАГТ НЭР ДЭВШИЖ ЯВНА-

Тэндэхийн иргэдийн хүсэлтээр “Заламт гол” компанийн хаягдал боловсруулах үйлдвэрийн хашааны шорооноос яг адилхан дээж аваад нэг хэсгийг нь Мэргэжлийн хяналтын газрын төв лабораторт, нөгөөг нь Геологийн төв газрын лабораторт шинжлүүлэхэд Мэргэжлийн хяналт огт хоргүй гэдэг дүгнэлт гаргаж Геологийн төв лаборатор хар тугалгын бохирдол байх ёстой хэмжээнээсээ их байна гэсэн дүн гарчээ. Тус үйлдвэрийн хойд талын хашаанд амьдардаг гурван хүүхдийн биеэр нь тууралт гарч эхэлсэнээр эцэг эхийнх нь хүсэлтээр хүүхдүүдийн цусанд шинжилгээ хийж үзэхэд хүнд металлын бохирдол арав дахин илүү гарчээ.  Одоогоор хор хохирол нь төдийлөн мэдэгдэхгүй ч ирээдүйд ургийн гажигтай хүүхэдтэй болох эрсдэлтэйг мэргэжлийн хүн ярьсан. Гурвын гурван хүүхэд хордчихоод байхад улсын байгууллагууд нь хоргүй гэсэн дүгнэлтийг гаргасаар байгаа төдийгүй тус компанийн захирал Ц.УуганбаярБаянзүрх дүүргийн I хороонд МАН-аас нэр дэвшжээ. Хэрвээ сонгогдох юм бол тус компанийн талаар шийдвэр гарахад нөлөөлөхүйц нөхцөл үүсээд байгаа аж. Ц.Ууганбаяр орон нутгийн өөрөө удирдах байгууллагад орж бизнесээ хамгаалах сонирхолтой байгааг ч 11 дүгээр хорооны иргэд ярьсан. Тэр бүү хэл усны эх үүсвэр, тэжээлийн цэгийг хамгаалах үүрэгтэй Байгаль орчин, аялал жуулчлалын яам анхаарахгүй байгаа нь сонирхол татаж байна
Эх сурвалж: TODAY.MN