Жүдо бөхийн тамирчны бодит амьдралаас сэдэвлэн бүтээсэн “Цагаан хадаг” уран сайхны кино нь гарч эхэлсэн даруйдаа кино сонирхогчдын анхаарлын төвд байж үзэгчдийн тоогоороо тэргүүнд бичигдэж яваа билээ. Тэгвэл энэ бямба гараг буюу 15-нд киноны уран бүтээлчид “ХҮННҮ МОЛЛ”-д 14:00-17:00 цаг хүртэл тус өдөрлөгийг зохион байгуулах гэж байна.

Хөтөлбөрт жүдо бөхийн тэмцээн, киноны тасалбар хожих эрх бүхий хөгжөөнт тоглоом, асуулт хариултын тэмцээн, гар зургийн уралдаан гэх  зэрэг олон төрлийн гэнэтийн бэлэгээс гадна бяцхан үзэгчиддээ зориулан Бонго ба түүний найзууд хүрэлцэн ирэх юм байна. Амралтын өдрийг киноны уран бүтээлчидтэй хамт дурсгалын зураг татуулж, хөгжөөнтэй өнгөрөөх боломжийг үзэгч түмэндээ олгож байна.