Дорнод аймагт долоон настай хүүг бусдын захиалгаар амийг нь хөнөөсөн онц ноцтой хэрэг гарсан билээ. Гэр бүлээс гадуурх харилцаанаас үүдсэн энэ хэргийг 25 бүсгүй өөрөөсөө олон насаар ах хүнтэй харилцаа тогтоож улмаар гэр бүлээс салгахын тулд долоон настай хүүг нь бусдад захиалга өгч 200 мянган төгрөгөөр амийг нь хөнөөлгөсөн гэх мэдээлэл байгаа юм.

Одоогоор захиалагч 25 настай эмэгтэй С-ийг болон гүйцэтгэгч Б нарыг цагдан хорьсон байгаа юм. Харин талийгаач хүүгийн аав 53 настай Ц-г гадуур батлан даалтад байцааж байгаа юм байна.

Сэжигтэн С-ийн хувьд өмгөөлөгч авсан байгаа бөгөөд өмгөөлөгчийнхөө хамт байцаалт өгч байгаа ажээ.

Түүний өмгөөлөгч З.Нямсүрэн “Шүүхийн шийдвэр гарч, захиалагч гэдгийг нь тогтоогоогүй байхад нийгэмд алуурчин захиалагч мэтээр мэдээлэл тарааж байгаа нь эргээд нийгмийг айдаст автуулах зүйлээ хийгээд байна. Би одоогоор үйлчлүүлэгчээ сайн танихгүй ч мөрдөн байцаалтад хамт орж байгаа. Түүний хувьд дүүгээ хүний амь нас хохироочихоод ир гэж хэлээгүй гэдгээ хэлж байгаа. Оролцоогүй, хэрэгсэхгүй болгож өгөөч гэж надад хандсан” гэлээ. Ийнхүү захиалга өгч гүйцэтгүүлсэн дүүдээ санхүүгийн тусламж үзүүлдэг байсан тэрбээр хэрэгт холбогдолгүй, хэргийг нь хэрэгсэхгүй болгож өгөөч гэсэн хүсэлтийг өмгөөлөгчдөдөө тавьсан байна.

Мөрдөн байцаалт үргэлжилж байна.

О.Сайхан

Zaluu.com