Төв банк алтны сорьц тогтоодоггүй гэдгийг тус банкны зүгээс мэдэгдэж байгаа юм. Монголбанкны алт худалдан авалт нь Төв банкны тухай хууль болон бусад холбогдох хууль, журмын хүрээнд явагддаг бөгөөд алт худалдан авалтын явцад Төв банк бие даан ямар нэгэн сорьцын үнэлгээ тогтоодоггүй . Иргэд, аж ахуйн нэгжүүд Стандартчилал, хэмжил зүйн газрын харъяа Сорьцын хяналтын газарт хандсанаар алтны сорьцыг тогтоолгож, Монголбанкинд тушаадаг бөгөөд Монголбанк сорьцын хяналтын газрын бичиг болон тухайн гулдмайн жин зэргийг үндэслэн тооцоог хийж, худалдан авалт хийдэг гэдгийг тодотгож байна.
Монголбанк нь худалдан авсан алтаа тодорхой хугацааны дараа гадаад улс дахь гэрээт байгууллагын сорьцын хяналтын төвөөр дахин шинжлүүлэхээр илгээдэг. Харин Монголбанкнаас гадаад дахь гэрээт байгууллагын шинжилгээгээр сорьц зөрүүтэй гарах тохиолдол ховор байдаг. Хэрвээ сорьцын зөрүү олон улсад хүлээн зөвшөөрөгдсөн стандартаас хэтэрвэл гуравдагч байгууллагаар дахин хянуулдаг.
Улмаар хоёр байгууллагын шинжилгээгээр сорьцын үнэлгээ байх ёстой хэм хэмжээнээс хэт зөрвөл Монголбанк алдагдал хүлээдэг юм байна.
Холбоотой мэдээ
Comments are closed.