Төрийн албаны зөвлөлөөс зарим яамдуудын төрийн нарийн бичгийн даргын албан тушаалд сонгон шалгаруулалт зарлаад  байгаа талаар мэдээлсэн билээ.  Засгаас зарим яамдын Төрийн нарийн бичгийн даргын албан тушаалыг түр орлон гүйцэтгэгчдийг  томилчихсон байгаа. Уг нь хуульдаа бол уг албан тушаалд томилогдох ажилтныг нээлттэй сонгон шалгаруулалт зарлаж, шалгалт авч томилох ёстой. Тэгвэл Хүнс хөдөө аж ахуй, хөнгөн үйлдвэрийн яамны Төрийн нарийн бичгийн даргыг түр орлон гүйцэтгэгч Л.Баяртулга, Эрчим хүчний яамны Төрийн нарийн бичгийн даргыг түр орлон гүйцэтгэгч М.Баярмагнай нарыг жинхлэх тухай яригдаж байгаа юм.

Үүнээс гадна  дөрвөн яамны  төрийн нарийн бичгийн дарга нарын нэр тодорхой болсон гэх мэдээлэл байгаа юм. Тодруулбал, Уул уурхайн яамны ТНБД-аар эдийн засагч Ч.Хашчулуун, Хөдөлмөр нийгмийн хамгааллын яамны ТНБД-аар МАН-ын бүлгийн ажлын албаны даргаар ажиллаж байсан Г.Өнөрбаяр, Гадаад харилцааны яамны ТНБД-аар О.Оч, Хууль зүй дотоод хэргийн яамны ТНБД-аар Б.Баясгалан нарын нэрс тодорхой болоод байна.

Эх сурвалж: Шуурхай.мн