Ерөнхийлөгч Ц.Элбэгдоржийн бүрэн эрхийн хугацаа ирэх онд дуусгавар болох билээ. Ерөнхийдөө түүний цаашдын улстөрийн карьер хэрхэн үргэлжлэх вэ гэдэг нь анхаарал татаж байгаа. Тэгвэл тэрбээр хүүгээ улстөрд сойж эхэллээ. Түүний хүү Э.Эрдэнэ Баянзүрх дүүргийн ИТХ-ын сонгуульд АН-аас нэр дэвшихээр болоод байна. АНУ-ын Drexel University-д биологийн чиглэлээр суралцаж, докторын зэрэг хамгаалсан хүүгийнхээ талаар Ерөнхийлөгч өөрийнхөө твиттер хуудаснаа “Өглөө сайхан мэдээ сонслоо Хүү минь докторын зэргээ хамгаалжээ. Эмийн хими судлаж байна гээд л байсан” хэмээн бичиж байсан бол Өмнөд Судан улсад энхийг сахиулаад ирэхэд нь “Та бүхнийг бид үдэн гаргаснаас хойш яг есөн сар болоод ирж байна. Энэ дотор миний хүү есөн сар та бүхэнтэй цуг алба хаагаад ирж байгаа. Тиймээс энд зогсч байгаа бүх аав, ээжүүд, ар гэрийнхний нэгэн адилаар хүүгээ, та бүхнийг маш их хүлээлээ. Таны хүү Э.Эрдэнэ ёслолын хамгийн сүүлд ирж үнсүүлнэ” гэж ёслолын албанаас надад хэлсэн юм гэж байсан. За харин улстөрд хөл тавих болсон талаар нь хараахан дуугараагүй байна. Гэсэн ч Э.Эрдэнэ нэгэнтээ улстөрд хөл тавихаар шийдснийг дараах жагсаалтаас уншигч та харж байгаа биз ээ

“

Эх сурвалж: Шуурхай.мн