Нийслэлийн Баянзүрх дүүргийн 27-р хороо Дарь-Эх орчимд, Улаанбаатар хотын харьяат 18-29 насны хоёр эмэгтэй, нэг эрэгтэй каннабисын төрлийн ургамал хэрэглэж байгаад Эрүүгийн цагдаагийн газрын Хар тамхитай тэмцэх хэлтсийн алба хаагчдад баригджээ. Эд мөрийн баримтаар хар ногоон өнгийн нунтаг ургамал хураан авч, сэжигтнүүдийг хорих 0461-р ангид цагдан хорьж мөрдөн байцаалт явуулж эхэлснийг албаны эх сурвалжууд мэдээлж байна.

Дашрамд өгүүлэхэд, сүүлийн хоёр сарын хугацаанд хар тамхи, мансууруулах бодистой холбоотой нийт 10 гэмт хэрэг гарч, мөрдөн байцаалтын ажиллагаа явуулж эхэлсэн байна. Уг хэргүүдэд 23 хүн холбогдогчоор татагдаад байгаа ажээ.

Сэжигтнүүд ихэвчлэн мансууруулах төрлийн ургамалд орох каннабисыг түүж, бэлтгэн, боловсруулж бусдад зарж борлуулсан гэмт хэрэгт холбогдоод байгаа юм байна.