“Ice Top” бол Монголын залууст хип хоп урлагийг утгаар нь харуулж, таниулсан анхдагч хамтлагуудын нэг гэдэгтэй уншигч та маргахгүй биз ээ. Тэгвэл тус хамтлаг энэ жил  20 нас хүрч байгаа юм. Тиймээс ч   фенүүддээ зориулан 20 жилийн ойдоо зориулан “Баярлалаа”  бие даасан тоглолтоороо бэлэг барихаар болсноо дуулгалаа. Төв цэнгэлдэх хүрээлэнд ирэх есдүгээр сарын 9-нд болох  тэдний 20 жилийн ойн тоглолт гэнэтийн бэлгээр дүүрэн байх аж.  Монголдоо төдийгүй Азидаа дээгүүрт орох тоног төхөөрөмжөөр хит дуунуудаа эгшиглүүлэхээр хэдийнээ бэлтгэл ажлаа базаагаад байгаа юм байна.

 “Ice Top” хамтлагийн “Баярлалаа” тоглолтын тайзнаа  “Хар сарнай”, “Хар тас”, “Люмино”, “Эрх чөлөө”, “Дайн ба энх”, “Татар”, “Дижитал”, “DJ Mr Dogs”, “Харанга” хамтлагийн дуучин Х.Лхагвасүрэн, поп дива Т.Ариунаа, “Хурд”, “Гурван охин”, “Киви”, “Лемонс”, “A Sound”, “Click click Boom”, реппер Gee, Genne, Rokit Bay  гэсэн монголын рок поп, хип хоп урлагийн одууд бас гарах юм байна. Мэдээж энэ бол ховорхон боломж шүү дээ.

За мөн гэнэтийн бэлэг задлахад  “Ice Top” хамтлагийн 20 жилийн ойдоо зориулсан “Баярлалаа” тоглолтын тасалбар ердөө л 5000 төгрөг гэсэн шүү. Баярлалаа, “Ice Top”