Риогийн олимпийн наадмын таэквондогийн эрэгтэйчүүдийн 68 кг-ын жинд Монголын тамирчин Пүрэвжавын Тэмүүжин дэлхийн шилдгүүдийн зүрхэнд шар ус хуруулах хэмжээний тамирчин болсноо нотоллоо.

Тэрбээр өчигдөр Риогийн дэвжээнээ шөвгийн 16-гийн тулаанд гайхалтай тулаан хийлээ. Дэлхийд чансаагаар гуравт бичигддэг, Мексикийн тамирчин Сауль Гутьеррест манай тамирчин сүүлийн үед 7:4-өөр хожигдож яваа, сүүлийн хэдхэн секунд уран, дайчин тулаан хийж, 11:12-оор ялалт байгуулж чадсан юм. Ийнхүү олимпийн шилдэг наймд үлдэж, олимпийн аварга, Испанийн алдарт тамирчин Бонилла Гонсалестай тулаан хийж, 4:7-оор хожигдсон.

П.Тэмүүжингийн энэхүү амжилт нь монголчууд бид таэквондогийн төрлөөс амжилт хүлээхээр хэмжээнд хүрснийг тод харууллаа.

Р.Гэгээ