Дуучин бүсгүй Бейонсе хэдэн хоногийн өмнө тун таагүй мэдээ дуулаад нөхөр Жей-З-тэйгээ муудалцжээ.
Арнольд Шварценеггер гэрийн үйлчлэгч бүсгүйгээ жирэмсэн болгоод, хүүгээ 14 жил хав дарж явсан паян дэлгэгдээд удаагүй байхад өөрийнх нөхөр бас 10 настай нууц хүүтэйг дуулаад Бейонсе ихэд бухимджээ.
Гэхдээ нөхрөөсөө сална гэж дайрсангүй. Харин ч нууц хүүтэйгээ үе үе уулзаж, сардаа 25 мянган ам.долларын тэтгэмж өгөхийг нь ч Бейонсе зөвшөөрсөн байна. Гэхдээ нэгэн хүндэтгэж үзэхээр асуудал нь Бейонсе өөрөө одоо таван сартай жирэмсэн байгаа явдал.
Жей-3 анхны үрээ тэврэх гэж догдолж буй Бейонсег тайван байлгахын тулд бүхнийг хийжээ. Тэрээр нууц хүүгээ шар хэвлэлийн хараанаас хол байлгахын тулд бүхнийг хийсэн байна. Арван жилийн өмнө нууц хүү нь хорвоод мэндлэхэд Жей-З ээжид нь нэг сая ам.доллар бэлэн тоолж өгснөөр асуудлыг аниргүйхэн шийдсэн аж.
Энэ мөнгөөр нь бүсгүй Тринидад байр худалдан авч, өдий хүртэл чимээгүй амьдарчээ. Гэхдээ Жей-З өөрийнхөө мах цусны тасархайг үргэлж анхаарч, сар бүр тэтгэмжийн мөнгөө зүй ёсоор нь өгсөөр ирсэн юм байна.
“Энэ түүх дэлгэгдсэний дараа хүү бид хоёр байраа солихоос аргагүйд хүрсэн. Одоо бид хоёр тун сайн байгаа. Папараццичид амьдрах амьдрах боломж ч өгөхөөргүй юм билээ.” гэж нууц хүүгийн эх Шенель хэвлэлд өгсөн ярилцлагадаа дурьджээ.
Холбоотой мэдээ
Comments are closed.