Засгийн газар өчигдөр дэд сайдуудаа томилов. Гэхдээ томилгоо бас л дутуу гучуу хийгдлээ. 13 дэд сайд томилох ёстой ч, 10 дэд сайдыг томилов.Тэдгээр нь :

– Зам тээврийн дэд сайд Б.Цогтгэрэл

– Хуульзүй, дотоод хэргийн дэд сайд Б.Энхбаяр /УИХ дахь МАН-ын бүлгийн хуулийн зөвлөх/

– Сангийн яамны дэд сайд Х.Булгантуяа /МАН-ын Нарийн бичгийн дарга/

– Батлан хамгаалахын дэд сайд Т.Дуламдорж / ОБЕГ-ын дарга асан /

– Эрчим хүчний дэд сайд Т.Гантулга /МАН-ын Нарийн бичгийн дарга/

– Байгаль орчин, аялал жуулчлалын дэд сайд Ц.Батбаяр

– Уул уурхай хүнд үйлдвэрийн дэд сайд Х.Бадамсүрэн / “Монросцветмет”-ийн захирал, УИХ-ын гишүүн асан/

– Эрүүл мэндийн дэд сайдад Л.Бямбасүрэн

– Хөдөлмөр нийгмийн хамгаалалын дэд сайд Б.Мөнгөнчимэг /НАМЗХ-ны Нарийн бичгийн дарга/

– Боловсрол соёл шинжлэх ухаан, спортын дэд сайд Ё.Отгонбаяр /УИХ-ын гишүүн асан/

За харин Гадаад хэргийн дэд сайдад нэр дэвшүүлсэн Г.Тэнгэр, Хүнс хөдөө аж ахуй, хөнгөн үйлдвэрийн дэд сайдад нэр дэвшүүлсэн Т.Аубакир, Барилга хот байгуулалтын дэд сайдад нэр дэвшүүлсэн М.Батбаяр нарыг өчигдөр томилсонгүй. Чухам яагаад томилгоо хийгдээгүй талаар тодорхой мэдээлэл алга байна. Өмнөх жишгээс харахад ашиг сонирхлын зөрчилтэй гэдэг үндэслэлээр нэр дэвшигчдээ эргүүлэн татах алхмуудыг олонтаа хийсэн. Тэгэхээр энэ удаа тэр жишиг давтагдахыг  үгүйсгэх аргагүй. Ямартай ч дэд сайдуудын томилгоо уламжлалаа хадгалан дутуу гучуу л хийгдээд байна.

Эх сурвалж: Шуурхай.мн