Оюутолгой төслийн менежмэнтийн эрхийг атгагч “Рио Тинто”-гийн санхүүгийн чадавхиа нэмэгдүүлэхийг эрмэлзэж байна. Тус групп дөрвөн тэрбум орчим ам.доллараар үнэлэгдэх зарим салбар бизнесээ худалдаж магадгүй байгаа талаар  “UBS” банкны шинжээчид таамаглал гаргасныг Блүүмбэрг уламжилж байгаа юм. Ер нь бол тус группт худалдах боломжтой 16 тэрбум ам.долларын үнэлгээ бүхий бизнесүүд байгаа гэнэ. Эхний ээлжинд Австрали дахь нүүрс, хөнгөн цагаан боловсруулах болон очир эрдэнийн бизнесүүдийг хөрөнгө оруулагчдад санал болгож магадгүй гэсэн шинжээчдийн таамаглал хэвлэлүүдээр гарч байна. Рио Тинто удахгүй энэ оны II улирлын үйлдвэрлэлийн тайлангаа танилцуулах юм.

Эх сурвалж: Шуурхай.мн