Олимпийн болон ДАШТ-ий мөнгөн медальт, Монгол Улсын гавьяат тамирчин Н.Төгсцогт энэ сарын 15-нд ээлжит тулаанаа хийнэ. Түүний энэ удаагийн өрсөлдөгч нь Пуэрто Рико улсын “DYNAMITE” хочит Р.Васкес тодроод байгаа.
Тэд өнгөрсөн гуравдугаар сарын 15-нд тоглох тов анх гарсан ч Р.Васкес тэмцээнийг хойшлуулах санал тавьсан билээ. Миссипи мужийн Horseshoe Casino-д тэд 10 үеийн турш тулаан үргэлжлэх бөгөөд ESPN сувгаар 10 улсад шууд дамжуулан үзүүлэх юм.
Н.Төгсцогт өөрийн цахим хуудсандаа “долдугаар сарын 15-нд болох тулаан дэлхийн 11 улсад ESPN-ээр шууд үзүүлэхээр болсон. Тэгэхээр уг тулааныг олон сая хүн үзнэ байх. Миний хувьд бэлтгэл сургуулилтаа сайн хийгээд гоё, сонирхолтой тулаан харуулахыг хичээнээ” гэж бичсэн байна.
Д.Өлзий
Эх сурвалж: “Монцамэ” агентлаг
Холбоотой мэдээ
-
зочин (July 04, 2016 10:40:10 am )
Хийморьтой монгол хүү чамд ялалт хүсье
1 Comment