Богцондоо нандигнасан зодог шуудагтай
Бодлоо тэнийлгэсэн зон олонтой
Бөхийн дэвжээнд инээдийг асгаруулсан
Баясгалантай сайхан цэргийн начин
Хүчит бөхчүүдийн яриаг амилуулсан
Хөгжөөж баясгасан цэргийн начин
Хаант монголын наадмын хүчтэнгүүдийг
Хавтайхан дуурайдаг авьяасын уурхай
Дусал инээдийг сэтгэлдээ тээсэн
Дундрашгүй итгэлийг харцандаа ээсэн
Намба алдаж найраа хийгээгүй
Нас нэмэн даваа гуйгаагүй
Бөхийн жудгийг нямбайлан дээдэлсэн
Бүтэн зүүдээ амилуулан мишээлгэсэн
Бүхий л монголчууд онигоонд чинь дурлаад
Баланд дурласан эрвээхэй шиг үгүйлэнгүй
Хэл яриа хөгжингүй сайхан
Хөл гар хөгшрөөгүй тавлиун
Хөөр баярыг ундруулсан булаг
Хүчит аваргуудыг дууриасан элгэмсэг
Харишгүй хүчит аварга нь
Завсаргүй түрүүлсэн арван нэгэн түрүүтэй
Хашир суусан цэргийн начин нь
Засваргүй давсан арван нэгэн даваатай
Инээд цалгиасан цэргийн начин
Ирээд өнгөрсөн цагийн намтар
Ичээж явсан авьяаслаг начин
Илээд хайрлуулсан ховорхон цадиг
2016.06.29
Хүндэтгэсэн Мянгаагийн Цэрэнчимэд
Холбоотой мэдээ
-
иргэн (June 30, 2016 1:22:34 pm )
Хошин шогийн онгорхой хамарт /хэн билээ дээ/ Тэгшээгийн хажууд суучихаад онигоо ярих гэж гутааж байж билээ.
-
Коммунист (June 30, 2016 4:14:45 pm )
Сайхан хэлсэн байна. Хүний хорвоод сэтгэл цагаан нь түрүүлж бурхан болдог нь үнэн юм. Бусад харлаад хэрэлдээд өвдөөд зовоод байж байхдаа таарсан юмдаа.
-
Зочин (June 30, 2016 6:50:43 pm )
хэзээ өөд болчихсон юм бэ
3 Comments