“МАК” компанийн өв залгамжлагч Номтойбаяр танхай балмад зангаараа нэрд гарч, мөнгөнтэй хүний омон бардам дээрэнгүй байдлаараа баячуудын хүүхдүүд дундаа толгой цохиж явна. Тэрээр үдэү бүр тухлан сархад хүртдэг уушийн газартаа дандаа л шинэ хүүхэн дагуулж ирдэг. Түүнийг дагаж, сонирхолтой үдшийг өнгөрөөдөг хүүхнүүд нь ихэнхдээ загварын ертөнцийнх. Угаасаа Номтойбаяр “би залуу насандаа хүүхнүүдийг оймс шигээ солих болно” гэж гайхуулдаг гэнэ лээ. Хүүхэн дагуулж ирэх нь өдрийн од шиг тэрээр хааяа ганц биеэр зочлохоороо ойр хавьдаа суусан эмэгтэйчүүдийг өдөж өөрийгөө баясган суудаг байна. Харин сүүлийн үед Номтойбаяр олон эхнэртэйгээрээ нэрд гарсан “алтны” гэх Мянганбаярын хуучин эхнэр Ариунцэцэгийг эрчимтэй эргүүлж эхэллээ. Ариунцэцэг нь нөхрөөсөө өрх тусгаарласнаасаа хойш баяуудын хооллож, ундалдаг тэр уушийн газраар гүйдэлтэй болоод байсан ба ийн явсаар Номтойбаярын хараанд өртжээ. Номтойбаяр Ариунцэцэгийн ширээнд очиж түүнийг ширээндээ урин аальгүйтэж байгаад тэд танилцаж амжжээ. Удалгүй тус газрын зөөгчөөр Ариунцэцэгт хайрын захиа хүргүүлсэн байна. Түүгээр ч барахгүй Ариунцэцэг болон түүний хамт явсан нөхдийн ширээний идээ умдаа бүгдийг Номтойбаяр захиалан хүргүүлдэг байна. Баян эрийн сээтгэнүүр зан, харамгүй дайлалт Ариунцэцэгт ч ихэд таалагдаж, инээд алдан наалинхайтаж байсан гэнэ. Түүний энэ байдал Номтойбаяр “урамшин” Ариунцэцэгийн дэргэд байн байн очиж уулзан их л сүрхий байцгээжээ. Баян эрчүүдийн “ангууч” хүүхнүүд олноор цугладаг газар болохоор тэдний энэ байдал олон хүний анхаарлыг татах нь ойлгомжтой. Номтойбаярт сээтэн хаяж суудаг зарим нэг хүүхнүүд Ариунцэцэгийг “хөөрхий, Мянганбаярын эхнэр болж эр хүний өөдөөс эгцэлж харж чадахгүй байсан. Нөхөртөө хаягдаад мөнгөөр дутагдаж арагүйгүй мөнгөтэй хүн хэрэгтэй байгаа юм шиг аашилж байна даа” хэмээн муулж, сайхан гэгчийн “таашаал” авцгаасан юм байх. Харин Ариунцэцэгийн хувьд хүүхнийг морь шиг шинжин байж ханилан хүүхэдтэй болгоод орхидог Мянганбаярын 21-хэн настай залуу, бас чаигүй царайлаг эхнэрийг нь “тэтгэвэр”-т нь суулгаж өөрөө “хатан сэнтий”-д заларсан гэхээр царай, “чадвар” хоёр нь нэлээд гаргуун нэгэн биз. Ямартай ч Ариунцэцэгийн шинэ амрагаар Номтойбаяр, харин Номтойбаярын удаах хүүхнээр Ариунцэцэг тодорч байна. Манай баячуудын өврийг дамжин зард гарсан хэдэн хүүхнүүдийг өөр хоорондоо сэлгэн солилцож “хэрэглэх” болсон нь өрөвдмөөр.