Сонгуулийн сурталчилгаа ирэх бямба гаригт эхлэнэ. Үүнтэй холбогдуулж Шударга өрсөлдөөн, хэрэглэгчийн төлөө газраас мэдээлэл хийв. Сонгуулийн тухай хуулийн 70.1.6-д заасан “Сонгуулийн жил эхэлснээс хойш санал хурааж дуустал аливаа этгээд сонгогчдын саналыг татах зорилгоор хэвлэл мэдээллийн хэрэгсэл цахим орон зай, мессеж, ашиглан улс төрийн чансаа тогтоох зорилго бүхий аливаа хэлбэрийн шалгаруулалт зохион байгуулах, бусдыг гүтгэн доромжлох, хуурамч мэдээлэл тараахыг хориглоно гэж заасан. Тиймээс энэ хүрээнд гол хяналтаа тавьж ажиллана гэдгээ тус газраас мэдэгдлээ.

За мөн Сонгуулийн тухай хуулийн 68.7-д сонгуулийн сурталчилгааны аливаа материалын доод хэсэгт захиалсан этгээдийн эх сурвалжийг заавал дурдаж, захиалагчийн нэрийг тодорхой харагдахуйц байдлаар товчлохгүй бичих ба энэ нь телевизийн нэвтрүүлгийн нийт хугацаанд хамаарах бол радиогийн нэвтрүүлгийн тухайд эхлэл төгсгөлд захиалагчийн нэрийг дурдана гэсэн заалтуудыг хянаж ажиллахаар өрсөлдөөний асуудал хариуцсан байгууллагад хариуцуулсан тул үүнд хяналт тавьж ажиллах гэлээ.

Сонгуулийн сурталчилгааг санал авах өдрөөс 24 цагийн өмнө буюу өмнөх өдрийн 00.00 цагт зогсоох юм.

Б.Тамир

Эх сурвалж: Шуурхай.мн