Монгол Улсын Төрийн соёрхолт, гавьяат жүжигчин Ц.Төмөрбаатар 2016 оны УИХ-ын сонгуульд МАХН-аас Баянзүрх дүүрэгт нэр дэвшихээр болж, цахим хуудсаараа дамжуулан урлагийнхан болон үзэгчдээсээ хүлцэл өчөөд байсан билээ.  Нэгэн цагт түүний эхнэр Отгончимэг уучлалаас илүү шийтгэл байдаггүйг нөхөртөө байнга сануулдаг тухайгаа ярилцлага өгсөн нь бий. Тэгэхээр уучлалын утга учрыг Гавьяат илүү мэдэрсэн нэгэн гэж болохоор.

Ажил үйлс нь өөдрөг яваа эрэгтэйн ард түүнээс ч хүчирхэг гэр бүл байдаг гэлцдэг.  Энэ үг түүний гэргийд зохицох үг гэж найз нөхөд нь үнэлдэг юм билээ. Нээрээ л “Чингис хаан”-ы Жагаа Гавьяатын “Шувууд нутаг буцах болоогүй” дууны клипэнд тоглож жүжигчний авьяас, бүсгүй гоо сайхнаа гайхуулаад авсан Отгончимэг хатагтай жинхэнэ мяндсан ухаантай, дайчин бүсгүй. Ийм омголон, өөрийнхөөрөө эрийг арганд оруулж, амьдралд дахин дурлуулсан тэрээр хувийн бизнес хийдэг бөгөөд Ц.Төмөрбаатар уран бүтээлээс өөр зүйлд санаа зовохгүйгээр амьдардаг.

Цагтаа тэдний  насны зөрүүтэй тэдний дурлалын тухай их багагүй амнаас ам дамжуулан ярьж шуугисан нь бий. Тэгэхэд Төмөрбаатар “Тэгж ярьвал миний аав ээжээс 24 насны зөрөөтэй байсан. Бидний өвөг дээдэс яагаад залуу хатан авдаг байсан уламжлалыг бодох ёстой. Би аавынхаа 51-тэйд, Төмөрхуяг 58-тайд нь гарсан. Тэгэхээр надад удам байна, Миний охин , дахиад хүүтэй болмоор байна. Надад удам залгах хүү хэрэгтэй” хэмээн баггүй л үнэнээ өчиж орхисон удаатай. Харин тэр цагаас хойш олон жил өнгөрч, Отгончимэг бүсгүй  Гавьяатад хоёр охин, нэг хүү төрүүлж өгсөн юм.

PHOTONEWS.MN