ИЗНН-ынхан батламжаа авахаар СЕХ-ны өмнө хүлээсэн хэвээрээ байна. Улсын Дээд шүүх СЕХ-ны шийдвэрийг хууль зөрчсөн гэж үзсэн тул тэд хуулийн хугацаа өнгөрсөн ч байсан, батламжаа авах эрхтэй гэж үзэж байгаа. Дээд шүүхийн шийдвэр гарсны дараа намын дарга Ц.Ганхуяг “Шүүх хурал хоёр шаттай явагдсан. Өнөөдөр буюу тавдугаар сарын 30-ны байдлаар Улсын дээд шүүхийн шүүх хурал болж, хяналтын журмаар шийдвэр гаргасан. УДШ-ийн шийдвэр бол эцсийн шийдвэр юм. Тиймээс манай нам 2016 оны УИХ-ын сонгуульд оролцох эрхтэй боллоо. Бид нэгэнт хууль ёсны дагуу буруугүй гэдгээ тогтоолгосон тул ойрын хоёр, гурав хоногт багтаад нэр дэвшүүлэх ажиллагаагаа явуулна.” гэж хэлсэн юм. Гэхдээ үйл явдал яг хэлснээр нь болохгүй байгаа. Учир нь СЕХ-ноос тус намд батламж ямартай ч өгөх ёстой юм.

Б.Тамир

Эх сурвалж: Шуурхай.мн