Улаанбаатарчууд жил бүрийн аравдугаар сарын 29-нд Нийслэлийн өдрийг тэмдэглэн өнгөрүүлдэг билээ. Энэ жил Нийслэлийн өдрийг угтан Нийслэлийн Засаг даргын тамгын газар, Нийслэлийн мэдээллийн технологийн газар, Мобинет ХХК-иуд хамтран Улаанбаатар хотын нийтийн эзэмшлийн арван талбайд утасгүй интернэтийн Wi-Fi үйлчилгээг нэвтрүүлж эхэлжээ.
Энэхүү үйлчилгээг Зайсангийн Бурхантай хөшөө, Улаанбаатар зочид буудлын урд талбай, Ард кино театрын урд талбай, Явуухулангийн цэцэрлэгт хүрээлэн, Төмөр зам Вокзалын талбай, Драмын театрын урд талбай, Төмөр замын коллежийн цэцэрлэгт хүрээлэн, Сансарын үйлчилгээний төвийн гадаах талбай, Эрх чөлөөний талбай, Цэрэндоржийн гудамжинд хүргэхээр төлөвлөн ажиллаж байна.
Энэхүү ажлын эхний үе шат амжилттай хэрэгжиж, Зайсангийн Бурхантай хөшөө, Улаанбаатар зочид буудлын урд талбай, Төмөр зам Вокзалын талбай, Төмөр замын коллежийн цэцэрлэгт хүрээлэн, Эрх чөлөөний талбайд Wi-Fi бүсийг байгуулаад байгаа аж.
Өнөөдөр Эрх чөлөөний талбайд болох Wi-Fi бүсийн нээлтийн ажиллагаа эхлэх бөгөөд хамтлаг дуучид тоглолт хийж, Мобинетийн Wi-Fi сүлжээг ашиглах эрх бэлгэлэх гэнэ.
Х.ЦЭНД
Холбоотой мэдээ
Comments are closed.