“Ойлго, Монгол Улс нэг ч төгрөгийн өргүй” гэж жинтэй дуугараад байсан Н.Батбаярыг эрүүл эсэхэд эргэлзсэн хүмүүс чуулганд байна. Ч.Хүрэлбаатар гишүүн “ Батбаяр аа, Эмнэлэгт үзүүлээд ирвэл яасан юм бэ? Өөрөөс нь чинь айж байна шүү” гэж бүр хэлээд авлаа. Монгол Улс өргүй гэж хэлж ярьж суудаг Н.Батбаяр гишүүн өрийг ӨГЛӨГ  гэж нэрлэх хуулийн төсөл санаачилсан нь хэн хүний анхаарлыг татаж байна. Үнэхээр өргүй л юм бол ӨГЛӨГ  гэж тодотгохын хэрэг юу байна гэж Н.Батбаяраас асуух шаардлага бас гараад байгаа юм. Гадны зах зээлд гаргасан өрийн бичгийг Чингис гэж нэрлэнэ гэсээр байгаад нэрлэсэн. Яг л тэр сурсан зангаараа өрийг өглөг гэж нэрлэе гээд л хашгираад байгаа хэрэг л дээ. Ч.Хүрэлбаатар гишүүн түүний эл үйлдлийг ихэд гайхаж “Батбаяр гэдэг нэрийг бондоор сольж болох нь ээ! Үг өөрчлөгдөөд улс орон сайжрахгүй шүү” гэхэд  Н.Батбаяр хариуд нь “1981 онд Алтантуяа нэрээ Алтанхуяг болгож сольсон.Тэгээд Ерөнхий сайд болох зам нээгдсэн. Тэгэхээр өрийг өглөг гэж нэрлэх нь зөв” гээд л томорч суугаа аж.

Эх сурвалж: Шуурхай.мн Б.Тамир