Оюутолгой гэж том төслөөс Монголчууд ноогдол ашиг хүртэх хугацаа хойшлоод байна гэж хэлж тэмцдэг хүмүүс олон. Ямарч байсан Дубайд хийсэн тохиролцооны уршгаар Монгол Улс 2048 он хүртэл Оюутолгойгоос татвар авахгүй,  харин бидний  төлөх өр нэмэгдэнэ, төлөвлөгөө гэх тодотголтой  гэрээ  батлагдсанаар хөрөнгө оруулалт нэртэй өндөр хүүтэй зээл авч, Оюутолгойгоос  авах Монголын талын ногдол ашиг 2048 он хүртэл  0 болно. Үндсэндээ 8.1 тэрбум ам.долларын барьцаанд Монголын ашигт малтмалын орд  тавигдах  нөхцөл байдал  үүсээд байна хэмээн С.Ганбаатар гишүүн хэлээд байгаа. Тэгвэл  “Эрдэнэс Оюу толгой” компанийн гүйцэтгэх захирал Д.Ганболдын хэлж ярьж байгаагаар бол Монголчууд Оюутолгойд ялагч л гэсэн утга ойлгогдож байгаа юм. Тэр хэлэхдээ “Өнөөдрийн байдлаар төсөвлөж байснаас 400- 500 сая ам.доллар зарцуулах байсан. Энэ хөдөлгөөн эхэлсэн. Дубайн гэрээгээс хойш 400 орчим сая ам.долларын санхүүжилт хийгдсэн. Ингэхээр энэ ондоо багтаад 800-900 сая ам.доллар орж ирнэ…  Өнгөрсөн оны тавдугаар сард буюу жилийн өмнө хөрөнгө оруулалтын гэрээнд тохиролцсоны дагуу ногдол ашиг хүртэх хугацаа хэвээр байгаа. Оюутолгойн төслийн нийт хугацаандаа манай улс 45-50 тэрбум ам.долларын ашиг хүртэнэ. Энэ нь ноогдол ашиг, АМНОАТ, бусад төрлийн татваруудаас бүрдэж байгаа юм. Анх Хөрөнгө оруулалтын гэрээ байгуулахдаа тохирсон ашиг хүртэх гол зарчим бол энэ. Анхан шатны бүтээн байгуулалтын явцад өртөг зардал хэтэрсэн учраас өгөөж хойшилж байгаа нь нууц биш гэдгийг тухайн үед нь хэлж байсан. Гэхдээ Дубайн гэрээнээс хойш хугацаа алдалгүй ажиллаж, өнөөдөр гүний уурхайн бүтээн байгуулалтын ажлыг эхлүүлж байна.” гэх зүйлийг хэлж байгаа юм.

Б.Тамир

Эх сурвалж: Шуурхай.мн