Нийслэлийн Чингэлтэй дүүргийн 61дүгээр дунд сургуулийн 14 сурагч энэ сарын 03-ны өдөр үдийн цайнаасаа хордож, дөрөв нь одоо ХӨСҮТ-д хэвтэн эмчлүүлж байгаа билээ. Сургуулийн хувьд Үдийн цай хөтөлбөртөө “Хаан сүү” ХХК болон “Алиман сар” компанис хүнсний бүтээгдэхүүнээ авдаг байжээ. Урьдчилсан шинжилгээгээр нэрсний жүүснээс хордсон гэсэн хариу гаргажээ.

Нэрсний жүүсийг “Хаан сүү” компани үйлдвэрлэдэг юм байна. Харин тус компанийн зүгээс өөрсдийгөө өмөөрч ямар нэгэн тайлбар хийхээс татгалзсан ч нэрээ эх сурвалж “Манайх үндэсний үйлдвэрлэгч. Нэрсний жүүсээ 3-4 сургуульд нийлүүлдэг. Тэр өдөр тараалт хийхээсээ өмнө 2800 ширхэгийг тараасан. 61 дүгээр сургуульд 620 ширхэгийг тараасан. Бусад сургуулиудын хүүхдүүд адилхан уусан байхад зүгээр байгаа юм. Тэгэхээр бид хавчуургатай боовноос хордсон байж магадгүй гэж хардаж байгаа. Гэхдээ шинжилгээний хариу эцэслэн тогтоогдож гараагүй болохоор шууд хэлж мэдэхгүй байна. Мэргэжлийн хяналтын байцаагч нарт бүх хэрэгтэй гэсэн бичиг баримтаа өгч шалгуулсан. Манайх лобаритортай учраас ямар нэгэн хугацаа дууссан бүтээгдэхүүн тараахгүй. Тиймээс бидэнд асуудал байхгүй гэж хэлнэ” гэв.

О.Сайхан

Zaluu.com