Хөдөлмөрийн Үндэсний Нам Улсын Их Хурлын сонгуульд ДАНГААРАА өрсөлдөх хүсэлтээ 04 дүгээр сарын 29-ний өдөр хүргүүлсэн.

Энэ тухай Сонгуулийн Ерөнхий Хороо өөрийн сайтаараа дамжуулан мэдээллэсэн (http://www.gec.gov.mn/details/1376 ). Энэ мэдээлэлд Монгол Улсын Үндсэн хууль болон бусад хуулийг дагаж мөрдөхөө илэрхийлэн, Улсын Их Хурлын сонгуульд оролцох хүсэлтээ нийт 13 нам (Хөдөлмөрийн Үндэсний Нам), 3 эвсэл тус тус Хуульд заасан хугацаанд ирүүлснийг Сонгуулийн Ерөнхий Хороо мэдээллэсэн.

Ийнхүү намын албан ёсны байр суурийг илэрхийлж, Сонгуулийн Ерөнхий Хороо өөрийн цахим хуудсаараа илэрхийлсээр байхад олон нийтийн мэдээллийн хэрэгсэлээр дамжуулан хоёрдуулсан, намын гишүүд дэмжигчдийг эргэлзүүлсэн мэдээг (http://www.news.mn/r/301444) гаргуулсан байна.

Хөдөлмөрийн Үндэсний Нам 4-р сарын 27-ны өдөр 2016 оны 1-р сарын 17-ны намын Их Хурлаар батлагдсан жагсаалтаар Намын Төв Хороогоо хуралдуулж, УИХ-д оролцохоо илэрхийлсэн болно. Энэ шийдвэрийн дагуу Сонгуулийн Ерөнхий Хороонд Хөдөлмөрийн Үндэсний Нам 2016 оны УИХ-ын сонгуульд дангаараа орохоор шийдвэрлэж холбогдох бичиг баримтаа хүлээлгэн өгсөн болно.

ХӨДӨЛМӨРИЙН ҮНДЭСНИЙ НАМ