Бид “Эрдэнэс Таван Толгой” ХК-ийн хувьцаа эзэмшигчид Монгол Улсын иргэн, татвар төлегчийн хувьд доорхи хууль бус үйл ажиллагааг тэвчиж чадахгүй болоод доорхи асуудлыг нэн яаралтай шийдвэрлүүлэхээр УИХ-д оруулж байна. Үүнд:

1. Ерөнхий сайд Ч.Сайханбилэг “Энержи ресурс” ХХК-ийн хувьцаа эзэмшигч асан Б.Батбилэгийг ашиг сонирхлын зөрчилтэйг харгалзахгүйгээр “Эрдэнэс Таван толгой” ХК-ийн Гүйцэтгэх захирлын үүрэг гүйцэтгэгчээр хууль бусаар томилсон. Хэдийгээр Б.Батбилэг албан тушаалаасаа огцорсон ч Ч.Сайханбилэг Засгийн Газрын тэргүүний хувьд Монгол Улсын хуулийг хэрэгжүүлэх үүргийг биелүүлээгүй гэж үзэж байна. Зохих арга хэмжээг авахыг шаардаж байна.

2. “Энержи ресурс” ХХК нь Хонгконгийн хөрөнгийн бирж дээр 1РО гаргахдаа хэд хэдэн ноцтой хууль бус үйлдлүүд хийсэн. Үүнд:

1. Монгол Улсын Засгийн Газартай Тогтвортой байдлын гэрээг байгуулаагүй байж Монгол Улсын баялгийг гадаадад хөрөнгийн биржээр дамжуулан зарсан. Үүнд тухайн үеийн Ерөнхий сайд зохих хяналт тавиагүй гэж үзэж байна. Зохих арга хэмжээг авахыг шаардаж байна.

2. ММС компани олон улсын зах зээл дээр Монгол Улсын нэр хүндийг гадаадын хөрөнгө оруулагчдад унагасан. Хонгконгийн хөрөнгийн бирж дээр бүртгэлтэй ММС компанийн 1 тэрбум ам.долларын өрийг Монгол Улс төлөх ёстой гэж олон нийтийн хэвлэл мэдээллийн хэрэгслээс уншаад дүгнэхэд:

2.1 Хонгконгийн бирж нь зохих хяналт тавиагүйгээс ийм их хэмжээний өр үүсэн гэж үзсэн байна. Мөн олон нийтийн хэвлэл мэдээллийн хэрэгслүүдэд сүүлийн үед гарч байгаа мэдээллээс ММС компани, “Энержй ресурс рейл” ХХК-д их хэмжээний хулгай луйврын шинжтэй үйлдлүүд байгааг мэдээд Монгол Улсын иргэд бид Хонгконгийн хөрөнгийн биржээр ММС компанид яаралтай бүрэн хэмжээний санхүүгийн аудит хийлгэхийг Монгол Улсын УИХ-аас шаардаж байна.

Нүүрсийг Япон улсын тэргүүний технологиор хуурай аргаар баяжуулах бололцоотой байтал ММС компани усаар баяжуулах хоцрогдсон технологийг сонгохдоо санаатайгаар усгүй Гввийн цөлийг сүйтгэхийг оролдсон гэж үзэж байна. Үүнд энэ үйлдвэрийг барих зөвшөөрлийг олгосон тухайн үеийн Ерөнхий сайдад хариуцлага тооцохыг шаардаж байна.

З.Тухайн үед “Эрдэнэс Таван толгой” ХК олон улсын тендер зарлан “Голдман Сакс” компанийг сонгосон. Одоо “Эрдэнэс Таван толгой” ХК нь олон улсын зах зээл дээр “Голдман Сакс” компаниар IРО хийхийг шаардаж байна