Цагдаагийн хошууч эмэгтэйг аавтай нь хөнөөж, гэр бүлийнх нь хоёр хүнийг шархтуулсан онц ноцтой хэрэг өнгөрсөн 11-р сарын 26-27-нд шилжих гарсан билээ. Энэхүү хэргийг өнөөдөр Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүх дээр хэлэлцэж буй юм байна.

Хэрэг гарсан даруйд уг хэрэгтэй холбогдуулан цагдаагийн байгууллагынхан Пүрэв овогтой Батбаярыг сэжиглэж, улс орон даяар эрэн сурвалжлах ажиллагааг эхлүүлсэн. Улмаар  цагдаагийн ажилтнууд  шуурхай ажиллаж өнгөрсөн 11-р сарын 29-ний 12:00 цагийн үед сэжигтэн Б-г Хан-Уул дүүргийн нутаг дэвсгэр Яармаг орчмоос баривчлан саатуулсан байдаг.

Тухайн үед сэжигтэн П.Батбаяр нь талийгаач бүсгүйг дүүтэйгээ суулгахгүй гэснийх нь төлөө хөнөөсөн байж магадгүй гэсэн мэдээлэл гараад байсан юм. Уг сэжигтэн одоогоор 2 хүний аминд хүрсэн гэх бөгөөд хошуувч бүсгүйн аавынх нь амийг бас хөнөөсөн сэжигтэн юм. Тэгвэл өнөөдөр энэ хэргийн анхан шатны шүүх хурал нь болж байгаа аж. Энэ хэрэг хэрхэн шийдэгдэх талаар бид дахин мэдээллэх болно.

Эх сурвалж: jirgee.mn