УИХ-ын гишүүн Х.Баттулгын өмгөөлөгчид өнөөдөр Монголньюс мэдээллийн төьд 11.30 цагаас мэдээлэл хийнэ. Авлигатай тэмцэх газраас Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяа нарын хэрэгт УИХ-ын гишүүн Х.Баттулга, Зам тээврийн яамны сайд асан А.Гансүх нарыг сэжигтнээр татан шалгаж эхэлсэн гэж мэдэгдсэн. Энэхүү мэдээлэлтэй холбоотойгоор УИХ-ын гишүүн Х.Баттулгын өмгөөлөгчид тайлбар мэдээлэл ийнхүү хийхээр болжээ.Дашрамд, Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяаг шинэ төмөр замтай холбоотой хэргээр Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсээс саатуулан шалгаж байсан ч прокурорын байгууллагаас хэргийг хянаж үзээд АТГ-ын харьяалал руу шилжүүлсэн. Түүнтэй хамт Ухаахудаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн захирлыг ч мөн саатуулсан ч батлан даалтад гаргасан. Мөн Б.Батзаяагийн хэрэгт хамт сэжиглэгдээд буй “МТЗ” ТӨХК-ийн дэд захирал асан П.Бат-Эрдэнэ, “Либерти Партнерс”-ын захирал Ч.Ганбат нарыг Олон Улсын Интерполоор хайж байгаа юм.
Д.ЖАРГАЛ
Zaluu.com
3 Comments