Ирэх сонгуульд хүч үзэхээр зэхэж буй Ням-Осорын Учрал сонгуулийн сурталчилгааны ажлаа эрчимтэйгээр явуулж эхлээд байгаа. Фэйсбүүкээрээ дамжуулан хэрхэн өөрийнхөө давуу талыг харуулахаа сайтар мэддэг болсон гэж хэлхэд хэлсдэхгүй. “boost” буюу фэйсбүүкт доллар төлж олонд өөрийнхөө хуудас дээрх постыг хүргэсээр байгааг та бүхэн анзаарч буй.

Тэгвэл түүний арга улам л инээдтэй болж байна. Тодруулбал түүний хичээл орж буй бичлэг цахим сүлжээгээр нэлээдгүй газар авлаа. Тэрбээр оюутан охидыг баян хүнтэй гэрлэх хүсэлтэй “тэнэг толгой” хэмээн олонд итгүүлэнгээ өөрийгөө ухаалаг болгож харагдуулах гэж оролджээ.

Уг бичлэгийг санаатайгаар хэдэн оюутан суулгаад бичсэн жүжиглэсэн тоглолт гэдгээ харуулах логик хэдэн алдаа гаргалаа. Өөрөөр хэлбэл Н.Учрал охидоос асуухдаа “Та нар аль сургуулийн оюутнууд вэ гэхэд аль сургуулийнх байх нь хамаагүй гэв”. Хэрэв тэрбээр жинхнээсээ хичээл орж байсан бол ямар сургуулийн оюутанд лекц уншиж буйгаа өөрөө мэдэх учиртай  бөгөөд  энэ тохиолдолд  оюутнууд багшдаа  сургуулийнхаа нэрийг шууд хэлэх байлаа. Тэгээд ч хэнтэй ярилцаж байгаагаа ойлгохгүй болтлоо “манарах” шаардлагагүй, цоохор хивстэй жижиг өрөөнд маш цөөхөн хүүхэд сууж харагдсан. Үүнээс гадна  бичлэг үзсэн хүмүүс тэднийг Н.Учралын Их засаг эсвэл Royal сургуулийн сурагч болон оюутнууд гэж ойлгоод өөрийнх сургуулийн нэр хүнд унах магадалтай гэж үзсэн учраас бодлогоор ингэж асуусан хэрэг. Мөн тэр “Би та нарт мэргэжил сонгох тухай ярьж байгаа” гэв. Энэ нь 12 жилийн сурагч нарт хичээл орж байгаа сэтгэгдэл төрхөөр байгаа биз. Хэрэв мэргэжил сонгох тухай асуудлыг ярих гэж байгаа бол нэгэнт мэргэжлээ сонгочихсон нөхөр сонгох тухай асууж буй ахлах күрсийн оюутанд үүнийг ярих шаардлага бараг байхгүй. Тэгэхээр тэр хичээл орж буй нь хиймэл болж таарч байгаа юм.

Ухаантай хүн болох гэсэн түүний энэхүү гэнэн чамирхал нь агуулга логикийн алдаатай байснаас гадна сүүлийн  гурван  жилийн турш сошиалаар явж буй баян хүнтэй суух хүсэлтэй бүсгүйд хэлсэн дэлхийн тэрбумтны захидалыг дуурайн хуулбарласан нь олонд мэдэгдэв. Ингэхдээ оюутан охидыг  нийгэмд муухайгаар ойлгуулах хэмжээнд хүртэл доромжилж, бас логикийн олон алдаа гарган том пи-араа хийж, харуулж байгаа нь энэ. Таны энэ үйлдэл сонгуулийн оноо авах гэсэн башир арга уу? Эрхэм Н. УЧРАЛ аа.