Баянзүрх дүүргийн VI хорооны нутаг 21 дүгээр байрны орчимд хүн хутгалуулсан тухай бид өчигдрийн дугаартаа мэдээлсэн билээ. Хохирогчийн биеийн байдал сайн, хэргийг шалгажбайгааг Баянзүрх дүүргийн цагдаагийн хэлтсээс мэдээллээ.

Хохирогч уржигдар шөнийн 2.30 цагийн орчимд гэрээсээ ундаа авах гэж гарчээ. Улмаар 21 дүгээр байрны орчимд явж байхдаа хоёр залуутай муудалцсан байна. Үл таних хоёр залуу хохирогчийн гуяд нь хутгалаад зугтжээ. Хохирогч тус байрны VIII орцонд орсон байхад нь оршин суугчид түргэн тусламж дуудаж, эмнэлэгт хүргүүлсэн байна. Цагдаагийн байгууллага гэмт хэргийн талаарх дуудлага авснаас хойш хагас цагийн дотор гэмтлийн эмнэлэгт очжээ. Хэргийг Баянзүрх дүүргийн цагцаагийн хэлтсийн Мөрдөн шалгах II тасагт шалгаж байгаа аж. Одоогоор сэжигтнүүдийг эрэн сурвалжилж байгаа юм байна.

Б.ЦЭЦЭГДЭЛГЭР