“Нарантуул” худалдааны төвд дахин гал гарлаа. Тодруулбал, шөнийн 03.00 цагийн үед гал гарч, иргэд галын дуудлага өгсөн байна. Улмаар онцгой байдлын албан хаагчид шуурхай ажилласан ч гал хүчтэй тархасны улмаас үүрийн 05.00 цагийн үед унтраажээ. Энэ талаар Нийслэлийн онцгой байдлын газраас тодруулахад “Галын дуудлага шөнийн 03.36 цагт ирсэн. Дуудлагын дагуу анги бүрэлдэхүүн шуурхай ажиллаж галыг бүрэн унтраасан. Одоогоор галын шалтгааныг тогтоохоор ажиллаж байна” гэсэн хариуг өглөө.
Одоогоор гал чухам юунаас болж гарсан нь тодорхойгүй ч бүс бараа зардаг лангууны орчмоос гарсан гэж байна. Иргэд оройдоо лангуун дахь бараагаа контейнерт хураадаг ч бүс бараа зардаг худалдаачид лангуугаа бүтээгээд орхиод явдаг гэж иргэд мэдээлж байна. Гал хэр их тархаж, хэчнээн хэмжээний хохирол учирсан нь одоогоор тодорхойгүй байна. Энэ талаарх дэлгэрэнгүй мэдээллийг бид эргэн мэдээлэх болно.
Дашрамд сануулахад, 2013 оны наймдугаар сард тус худалдааны төвд томоохон хэмжээний гал гарсаны улмаас их хэмжээний хохирол учирч, мөн нэг эмэгтэй нас барсан хэрэг гарч байв. Мөн 2015 оны аравдугаар сард тус худалдааны төвийн нийтийн бие засах газарт гал гарч байсан юм.
Г.Лхагваа
Zaluu.com
Холбоотой мэдээ
-
зочин (March 03, 2016 11:14:14 am )
харамсалтай байна
-
зочин (March 03, 2016 12:03:01 pm )
Нарантуул нүүвэл хотын түгжрэлгүй болно.
-
zochin (March 03, 2016 4:20:18 pm )
olon hyn ajilgyi bolno
-
-
irgen bat (March 03, 2016 1:24:57 pm )
hotiin udirdlaga nvvlgeh gebel ydarsn ard tvmnii vilchlvvldg gants gazar vgvi boloh esergvvtseltei tulgarahaas sergemjilj arai oor hubilbar gargaj baugaa yum bish bizdee
-
zochin (March 03, 2016 4:18:51 pm )
gazar luu n shunasan shunaltanguudiin sanaatai hiij bga yildel yy esbel uur zahuudiin yabuulga baidag yum bolob uu sain shalgaj ynen zubiig togtooj medeeleh heregtei hen hen n olon jiliinhee hudulmuriig gald urguud baihaar yamar olig baihab dee
5 Comments