Монголын эх орончдын баярын өдөр өнөөдөр тохиож байна. Энэ өдрийг тохиолдуулан МАН, МАХН-ыхан хамтран Д.Сүхбаатарын хөшөөнд цэцэг өргөлөө. Мэндчилгээ дэвшүүлэх үеэр Ардын намын эмэгтэй лидерийн нэг гэгддэг, Баянгол дүүргийн Засаг дарга асан Л.Амгалан хятад цэргийн малгайгаар гангарсан нь олон нийтийн дургуйг хүргэж байна. Монголын тусгаар тогтнолын төлөө тэмцэж ирсэн цуутай эх орончид монгол малгай өмсдөгийг Ардын намын хатагтай мэддэггүй юм байна. Тэрээр өөрийн цахим хуудсаа соцализмын өнгө төрхөөр дүүргэсэн байсан бөгөөд ард түмний дурсамж дээр тоглолт хийж буй нь харагдаж байлаа. Энэ малгай нь Хятадын ардын чөлөөлөх арми гэгддэг улсынхаа цөөнх үндэстнийг чөлөөлсөн бурангуй хүчний билэг тэмдэг нь болсон хувцсын нэг болохыг тэрээр мэддэггүй бололтой. 1960 –аад оны үед Өвөрмонголд монголчуудын эсрэг аймшигт хядлага үйлдсэн соёлын хувьсгалын улаан хамгаалагчид энэ малгайг өмсдөг байсан. Л. Амгалан та түүхээ сайтар судлаарай зэргээр цахим ертөнцөд олон нийт шуугиж байна. Манай  намуудын лидер гэгдэх улс төрч эмэгтэйчүүд ур ухаанаа гэхээсээ илүүтэйгээр олон нийтэд марзан дүрээр танигдахыг эрхэм болгодог бололтой. Тэрээр “Бенз” Л.Эрдэнэчимэг гишүүний замналыг давтлаа. “Малгай” Л.Амгалан хочтой болох нь ээ.

Э. Бат

Эх сурвалж: Шуурхай.мн