АНУ-ын албаны хүмүүс БНХАУ хилийн зурвасын маргаантай байдал Өмнөд Хятадын тэнгисийн Параселийн арлуудад байлдааны онгоц байрлуулсан хэмээн мэдэгдлээ. Тодруулбал, Хятад Параселийн бүлэг арлын Вуди гэх аралд 11 байлдааны онгоц, J7 сөнөөгч онгоцнуудыг байрлуулсан байна. Хятад 2014 оноос хойш тус арал дахь хилийн хязгаараа өргөтгөх бодлого баримталж ирсэн бөгөөд байлдааны хөлөг онгоц хүртэл байрлуулсан нь анхны удаагийнх биш аж. Вуди аралд өнгөрсөн долоо хоногт Хятад газар-агаар ангилалын дөрвөн ширхэг пуужинг байрлуулсан бөгөөд тухайн үед АНУ, Хонконгийн удирддагууд Хятадаас болгоомжилж буйгаа илэрхийлж байсан юм. Харин Хятадын удирдлагууд тус арал дээр хэдэн жилийн өмнөөс цэргийн байгууламж барьсан байсан хэмээсэн юм. Гэхдээ нэг ч цэрэг тэнд байхгүй гэдгийг онцолж байв. Тэгвэл энэ сарын 24-ний өдрийн олон улсын хиймэл дагуулын зурагт олон тооны пуужин харвах систем, танкнууд дүрлэгдсэн байжээ. Параселийн бүлэг арлын хилийн зурвасын асуудалд Тайвань, Вьетнам, Бруней, Малайз, Филиппин, Хятад зэрэг орнууд хоорондоо нэлээд маргаантай байдаг юм. Харин Хятад тухайн аралд цэргийн техник хэрэгслийг байрлуулснаар Өмнөд Хятадын тэнгисийн байдал хурцдаж болзошгүй байдал ажиглагдаж байгааг албаны эх сурвалжууд онцоллоо.