Сонгинохайрхан дүүрэг дэх цагдаагийн 2-р хэлтсийн нийтийн хэв журам хамгаалах тасгийн эргүүлийн офицер, цагдаагийн ахмад Н.Барбаатар, эргүүлийн цагдаа жолооч, цагдаагийн ахлагч Г.Чингис нар энэ оны нэгдүгээр сарын 30-нд хөдөлгөөнт эргүүлийн Ачит-115 чиглэлд үүрэг гүйцэтгэх хугацаандаа зургаан хүний амь нас аварсан тухай та бүхэнд мэдээлж байсан.

Монголын сурагчдын холбооноос хүүхдийн амь аварсан цагдаагийн алба хаагч нарт “Хүүхдийн элч” алтан медаль гардууллаа. Өргөсөн тангарагтаа үнэнч ажиллаж олон хүний амь нас аварсан хоёр алба хаагчдаа ажлын амжилт хүсье.