Н.Алтанхуягийн Засгийн газрын үед хэрэгжүүлсэн “Нүүрс” хөтөлбөрөөс 3.6 тэрбум төгрөгийг завшсан гэх хэргээр Л.Гансүх нарын дөрвөн хүнд анхан шатны шүүхээс ял оноосон юм.

Л.Гансүхийн хувьд анхан болон давж заалдах шатны шүүхээс 4,5 жил хорих ял оноосныг тэрбээр эсэргүүцэж, Дээд шүүхийн хяналтын шатны шүүхэд гомдол гаргахаа мэдэгдсэн билээ.

Харин Дээд шүүхэд гомдол гаргахдаа заавал анхан шатны шүүхээр дамжуулдаг журамтай тул энэ дагуу өмгөөлөгч Н.Цэндсүрэнгээрээ дамжуулан анхан шатны шүүхэд гомдлоо хүргүүлсэн ч хүлээж аваагүй талаар мэдээлэл гарсан юм. Тэгвэл тэрбээр эл асуудлаар анхан шатны шүүхэд дахин гомдол гаргасан бөгөөд Л.Гансүх Дээд шүүхэд хандаж, улмаар хэрэг нь хянагдаж байгаа гэх мэдээллийг эх сурвалж өгсөн байна.

Эх сурвалж www.wikimon.mn