Мөнхийн залуу гэгддэг топ модель бүсгүй 20 гаруй жил ганц бие ээжийн амьдралаар амьдарсан. Арван жилийн ширээнээс салмагц, анхны нөхөртэйгөө учирч, айл гэрийн эзэгтэй болж байсан тэрбээр гэргийн амьдралаасаа тун ч хурдан залхсан.

Тиймдээ өнөөдрийг хүртэл охинтойгоо амьдарч, өөр хэн нэгэн эр хүнд зориулах цаг зав, сэтгэл байхгүй гэдгээ ярилцлага бүрдээ дурьддаг гэхэд хилсдэхгүй. Харин өдгөө 50 хүрч байгаа ч эрчүүдийн харцыг булаасан, гоо үзэсгэлэнтэй залуу хэвээр л байгаа.

Түүний мөнхийн гоо сайхан байдал нь мэдээж гоо сайхны хагалгаа болон өөртөө тавих арчилгаа биз. Гоо сайхны хагалгаанд ч бас орж, чамгүй олон зүйлээ өөрчилсөн тэрээр хамар нүдээ янзлуулж, хөхөө томруулсан гээд гоо сайхны хувьслыг жинхэнэ утгаар нь хэрэгжүүлсэн.

30-аад жилийн өмнө “Монголын сайхан бүсгүй” тэмцээний дэд байрт орж, загварын тайзан дээр гунхаж эхэлсэн билээ. Олон компани, брэндийн нүүр царай болж, сурталчилгаанд нь оролцож явсан мөнхийн залуу хатагтай залгамж халаагаа бэлдэж байгаа сурагтай. Тэрээр загварын ангентлаг байгуулж загвар өмсөх сонирхолтой охидыг шалгаруулаад эхэлсэн гэнэ. Тэрээр охидод тайзны алхаа гишгээнээс гадна гоо зүйн хичээл, биеэ зөв боловсон авч явах урлагийн талаар цогц хичээл мөн ур чадварын хичээлийг заахаар төлөвлөжээ.

Эх сурвалж: Шуурхай.мн