“13 настай, бүргэдтэй анчин охин” хэмээн олонд танигдсан Н.Айшолпан охин олон улсын “Sun dance” кино наадамд оролцохоор Америкийг зорих болжээ .

Түүний тоглосон “Бүргэдчин охин” баримтат кино уг наадамд уригдсан агаад наадмын үеэр нээлтээ хийх гэнэ.

Бүргэдчин охин Баян-Өлгий аймгийн “Шилдэг хүүхэд” болж байжээ. Бүргэд гар дээрээ суулгаад, мориндоо мордох нь амаргүй даваа ч охин энэ шалгуурыг дажгүй давдаг байна. Н.Айшолпан охин Баян-Өлгий аймагт Монгол – Турк сургуулийн есдүгээр ангид суралцдаг байна.  Охидыг бүргэдийн анд сургах тохиолдол байдаггүй бөгөөд цорын ганц бүргэдчин охин нь Н.Айшолпан. Түүний гэрийнхэн удмаараа бүргэдийн ан хийдэг аж. Зоримог чадалтай, тэвчээртэй охин маань бүргэдтэйгээ туулай, үнэг, хярс зэрэг ан хийдэг аж. Бүргэд хамгийн том нь чоно барьдаг гэнэ. Тэгээд үнэг, хярс, туулай, мануул баридаг бөгөөд өөрийнх нь агнасан ангийн махаар бүргэдээ тэжээнэ.

Бүргэд 8 кг жинтэй бөгөөд ганц гар дээрээ суулгаад ан хийнэ, сургана гэдэг амаргүй. Тэгвэл Н.Айшолпан охинд Казак түмний бахархал болсон үндэсний соёл, бүргэдийн сүр хүчийг таниулах нь хамгийн сонирхолтой бахархалтай байдаг аж.

Times.mn