УИХ-ын чуулганы хуралдаанаар Хүний хөгжил сангийн тухай хуульд өөрчлөлт оруулах тухай хуулийн төслийг хэлэлцэж гишүүдийн дэмжлэгийг хүлээсэн юм. Энэ үеэр УИХ-ын дэд дарга Р.Гончигдорж Ерөнхийлөгч Ц.Элбэгдоржийн тавьсан хүсэлтийг гишүүдэд дуулгасан юм. Ерөнхийлөгчийн зүгээс “Өнөөдрийн хэлэлцэх асуудлын дөрөвдүгээрт байгаа Сонгогдсон болон томилогдсон төрийн өндөр албан тушаалтанд хариуцлага хүлээлгэх тухай болон холбогдох бусад хуулийн төслүүд –ийг хэлэлцэх асуудлын эхэнд оруулах. Мөн өөрийн биеэр УИХ-ын чуулганы хуралдаанд оролцоно” гэдгээ илэрхийлсэн байна.

Энэхүү хүсэлтээр санал хураалт явуулахад УИХ-ын гишүүдийн 70 хувь нь дэмжээгүй тул Үндсэн хуулийн цэцийн тухай хуульд өөрчлөлт оруулах асуудлыг хэлэлцэж эхлээд чуулганы хуралдаан завсарлалаа.

Д.ЖАРГАЛ

Zaluu.com