“Цайз” бол юм юмны зах билээ.Түлээний гэх нэрийн дор хулгайн мод энэ захаар орж төрхөө бүрэн хувиргадаг ажээ.Тэнд ирсэн модыг төрөл ажилжуулан түлээ болгоод зарж хэвшчээ. Нэг “портер” машины тэвш дүүрэн тийм түлээг 210 мянган төгрөгөөр зардагийг газар дээр нь шахуу аваад шуудайлан зарахаар илүү үнэд хүрдэг бололтой. Шуудай нь жижгэрсний нууц ч үүнтэй холбоотой биз. Ингээд гэр хорооллынхон давхар давхар чадуулна.

Тэд ченж дамжуулсаар байгаад гэртээ ойрхон цэгээс түлээгээ авахдаа 2-3 дахин илүү үнээр түлээний мод авдаг нь энэ юм. “Цайз” дээр түлээ болдог моднуудыг хар өглөөгүүр оруулж ирдэг юм байна. Заримдаа тэдний араас хөдөлгөөнт эргүүлийнхэн ордог ч төдөлгүй том жийптэнүүд ирэхээр “учраа” олдог тухай захынхан ярив. Тэд чухам хэн болохыг Байгаль орчин, Мэргэжлийн хяналт, шүүх, цагдаагийнхан ядаж мэддэггүй л юм байх даа.
У.Саран (www.wikimon.mn)