Одоогоос арваад жилийн өмнө улс даяар нэрээ дуудуулсан нэгэн залуу эрхэм тодорсон нь “90 саяын” гэгдэх Б.Гансүх юм. Тэрбээр Монгол Улсын Ерөнхийлөгчөөс эхлээд Төв банкны Ерөнхийлөгч гээд төрийн “том”-чуудын  тархийг угааж, 90 сая төгрөгийн залилан хийсэн бөгөөд хийсэн хэргээ хүлээж, ялаа эдэлсэн аатай эр. Бүр дэлгэцийн бүтээлд ч мөнхрөөд буй. Түүний бодит амьдралаас сэдэвлэн бүтээсэн “Бодлын хулгайч” нэртэй кино удахгүй үзэгчдийн хүртээл болно.

Харин одоо Б.Гансүх Христийн нэгэн сүмийн пастер болсон гэнэ. Ухаан сууж, хүмүүст итгэл найдвар хайрлаж яваа тэр одоо ч гэсэн хүмүүжиж байсан хорих ангиараа зочилж, хоригдлуудтай уулзан өөрийгөө өөрчилж, шинэ хүн болоход нь тусалдаг гэнэ лээ.