ЦУОШГ-аас энэ долоо хоногоос ихэнх нутгаар цас орж, хүйтний эрч чангарахыг ард, иргэдэд анхааруулж байна. Тодруулбал, баруун болон төвийн нутгаар өнөөдрөөс энэ сарын 27-ныг хүртэл цас орж, цасан шуурга шуурах аж. Энэ өдрүүдэд салхи секундэд 14-16 метр хүрч ширүүсэх төлөвтэй.

Зүүн зүгийн нутгаар энэ сарын 23-насс цасан шуурга шуурч, өдөртөө 23-28, шөнөдөө 26-31 градус хүрч хүйтэрнэ. Дархадын хотгор, Хүрэн бэлчир, Идэр, Тэс голын хөндийгөөр шөнөдөө 40-45 градус, өдөртөө 28-35 градус, Орхон Сэлэнгэ, Хараа, Ерөө, Туул, Тэрэлж, Хэрлэн, Онон, Улс, Халх голын саваар шөнөдөө 33-38 градус, өдөртөө 23-28 градус хүйтэн байх ажээ. Иймд жолооч, зорчигчдыг шаардлагагүй бол энэ өдрүүдэд хол замд гарахгүй байх, хувийн бэлтгэлээ сайн базааж замд гарахыг анхааруулж байна.

Шуурхай.мн