Сүүлийн үед манай улсад хар тамхины хэрэг нэлээдгүй газар авч хэд хэдэн бүлэглэл баривчлагдаад байгаа. Тэгвэл Эрүүгийн цагдаагийн газрын Хар тамхитай тэмцэх хэлтсийн алба хаагчид дахин нэг хэрэг илрүүлсэн байна.

Тодруулбал, “Шавар” гэж нэрлэгдсэх болсон мансууруулах төрлийн бодисыг хууль бусаар оруулж ирэн худалдаалдаг байсан гурван залууг саатуулжээ. Тэд 18-22 насны М, Н, Г нар каннабисийн давирхайг ялган авч, нунтаглах аргаар боловсруулан, баримлын шавар мэт болгосон бэлдмэлийг худалдаалж байсан нь тогтоогджээ.  Тэднийг мансууруулах, сэтгэцэд нөлөөлөх эм, бэлдмэл, бодисыг борлуулах зорилгоор хууль бусаар бэлтгэсэн, олж авсан, хадгалсан, тээвэрлэсэн, илгээсэн, борлуулсан гэх зүйлчлэлээр яллавал таваас дээш найман жил хүртэл хугацаагаар хорих ялаар шийтгэх юм байна. Энэ төрлийн гэмт хэрэг улам залуужиж 18-аас дээш насныхан оролцож байгаа нь харамсалтай. Тиймээс эцэг эхчүүд хүүхдүүддээ илүү анхаарал хандуулж хараа хяналтаа сайжруулахад илүүдэхгүй болов уу.

Эх сурвалж: Шуурхай.мн