Нийтийн тээврийн үйлчилгээ эрхэлдэг хувийн хэвшлийн компаниуд хоёр өдөр ажил хаялт зарлаж иргэдийг бухимдуулаад байсан. Учир нь “Улаанбаатар смарт карт” компани орлогыг нь дутуу хуваарилж байгаа учраас автобус компаниуд алдагдалтай ажиллаж, техник, сэлбэг хэрэгсэл худалдан авах, ажилчдынхаа цалин хөлсийг өгөх боломжгүй болсон учраас санхүүгийн асуудлыг яаралтай шийдвэрлэх хүртэл үйлчилгээнд явах боломжгүй гэдгээ илэрхийлсэн. Үүнтэй холбогдуулан, өчигдөр болсон Нийслэлийн удирдах зөвлөлийн хурлаар энэ асуудлыг авч хэлэлцээд ажил хаясан компаниудыг шантааж хийх зорилгоор ажил хаясан гэж үзэж ажил хаясан бүх компаниудад шалгалт оруулахаар болсон. Харин дөнгөж сая Автобус компаниудын төлөөлөл мэдээлэл хийхдээ “Бид тохиролцолд хүрсэн учраас ажилдаа гарахаар боллоо” гэв.

Эх сурвалж: Шуурхай.мн