Казакстаны нийслэл Астана хотын Алау ордонд дэлхийн шилдэг жүдочид хурд хүч, авхаалж самбаагаа тав дахь өдрөө хүч сорьлоо. Манай бөхчүүд өөрсдийн түүхэнд байгаагүй амжилт үзүүлж нэг дэлхийн аваргаас гурван хүрэл медаль авчирч, бөх сонирхогчдоо баясгаж байна.

Өнөөдөр манай тамирчдаас эрэгтэйчүүдийн 90 кг-ын жинд Л.Отгонбаатар эхний барилдаанаа Шведийн Н.Маркустай хийж цэвэр ялсан билээ. Манай бөх эхний учраагаа ороож этэх мэхээр цэвэр савлаа.

Манай бөхийн дараагийн учраа нь алдарт бөх Ильяс Илиадис байсан юм. Дэлхийн гурван удаагийн аварга бөхийг манай Л.Отгонбаатар үндсэн цагт тэнцэж, нэмэлт цагт тонгорох мэхээр цэвэр савлаа.