Нийтийн тээврийн шинэчлэлээр иргэд цахим картаар зорчиж, картгүй нь бэлэн мөнгөний хайрцагт 500 төгрөг хийж зорчиж байгаа юм. Ингэснээр нийтийн тээвэрт кондукторуудын үүрэг гэж байхгүй, зөвхөн хяналт тавихаар ажиллаж байна. Тэгвэл өчигдөрхөн кондукторууд бэлэн мөнгөний хайрцагт байгаа мөнгийг хулгайлсан бичлэг олон нийтийн сүлжээгээр цацагдаж, багагүй дуулиан дэгдээсэн. Энэ талаар албаны эх сурвалжаас тодруулахад “Кондукторууд мөнгөний хайрцагт түлхүүр ашиглалгүй, завсраар нь гараа оруулж хулгай хийсэн бичлэг камерт үлдсэн. Уг бичлэгийг автобус компаниуд олон нийтийн сүлжээгээр цацсан. Харин хулгай хийсэн кондукторуудад эрүүгийн хэрэг үүсгэн цагдаагийн байгууллагад шалгаж эхэлсэн” гэв. Эх сурвалжийн мэдээлсэнээр, кондукторууд мөнгөний хайрцагт гараа хийн, 2-3 удаа хулгай хийж байсан нь тогтоогджээ.

Zaluu.com Б.Анир