“Алтандорнод Монгол” компанийг Монгол эзэдтэй “Голдстриминк” компани худалдаж авсныг Bloomberg-гээс мэдээлж, Монголын бизнесмэнүүдийг цочиролд оруулсан. Монголын хамгийн том алтны компанийн эзэн, орос ноён гэнэтхэн зангаа хувиргаж, Монголын Засгийн газрыг шүүхэд нэг тэрбум ам доллар нэхэмжлэн     шуугиан тарьж байлаа. Монголын төрд 100 гаруй тэрбум төгрөгийн татварын өртэй энэ компанийг худалдаж авсан “Голдстриминк” ХХК-ны захирал Т.Ганболд. Энэ хүнийг Дарханы хар төмөрлөгийн үйлдвэрийн захирлаар ажиллаж байсныг л Монголчууд сайн мэднэ. Баянгол зочид буудлын дэргэд асар том буудал барьж, Нүхтийн аманд зочид буудал нэртэй тансаг харш бариулсан энэ эр “Алтан дорнод Монгол” ХХК-ныг худалдаж авахын тулд Английн нэгэн арал дээр компаниа бүртгүүлж, 400 орчим сая ам доллар цуглуулж, Паушок гэгч тэр луйварчин эрд өгсөн хэмээн мэдэгдээд байгаа ч түүний энэ үгэнд итгэх хүн тун ховор байна. Учир нь “Алтандорнод монгол” ХХК алт олборлохоос гадна нефть боловсруулах үйлдвэрийн томоохон төсөл хэрэгжүүлж байсан, дотроо 16 охин компанитай,      асар их хөрөнгөтэй, 2000 гаруй ажилтантай том байгууллага байсан аж. Үүнийг ганцхан хүн өөрийн хөрөнгө болгож худалдаж авсанд Монголын баячууд одоо хүртэл итгэж чадахгүй суугаа гэсэн. Тус компанийн

нефть боловсруулах үйлдвэр хамгийн түрүүнд ашиглалтад орно. Тэгэхээр Монголын хамгийн баян хүн MCS-ийн Д.Оджаргал биш харин Т.Ганболд болно гэж эдийн засагчид ярьж байна. Т.Ганболд захирал хятад, Казакстаны түүхий нефтийг 2013 он гэхэд боловсруулж, хил дамнуулан наймаалах асар том төслийг гартаа оруулчихаад байгаа аж. Монголын баячуудын жагсаалтыг шинэчилж байгаа энэ эр тун өвөрмөц хоббитой. Түүний Нүхтэд байрлах тансаг харш зочид буудлын хэлбэрээр үйл ажиллагаа явуулж байгаа. Энэ буудлаа тохижуулахын  тулд

Т.Ганболд их хэмжээний хөрөнгө оруулалт хийж, Монголд байхгүй хамгийн тансаг, ховор зүйлсээр чимэглэсэн гэнэ. Халуун орны солонгорсон чамин өдөт тогос Монголд ердөө л хоёр бий. Энэ хоёр тогосыг Т.Ганболд захирал одоогоос хоёр жилийн өмнө Монголд оруулж иржээ.