Өнөөдрийн Хууль зүйн байнгын хорооны хурлаар Зөрчлийн тухай болон холбогдох бусад хуулийн төслүүдийн анхны хэлэлцүүлгийг хийв. Зөрчлийн тухай хуулийн төслийг Монгол Улсын Эрүүгийн болон Захиргааны хариуцлагын тухай хууль тогтоомж нь Үндсэн хуулиар хамгаалсан үнэт зүйл, хууль ёсны ашиг сонирхлыг зүй зохистой хамгаалж, ялгамжтай хариуцлага тооцох үүргээ бүрэн биелүүлж чадахгүй байна гэж үзсэн учраас тус хуулийг боловсруулсан аж. Хурлын үеэр Хууль зүйн байнгын хорооны гишүүдийн зүгээс 14, 15 настай хүүхэд зөрчил гаргавал хэрхэх вэ гэдэг нь багагүй маргаан дагуулсан юм. Тэрээр УИХ-ын гишүүн Д.Лүндээжанцан “Хүүхэд насанд бол 14, 15-тайдаа л жинхэнэ “бутаргаж” байдаг үе шүү дээ. Өөрөөр хэлбэл зөрчил гаргах эрсдэл өндөртэй. Тиймээс эдгээр хүүхдүүдийн учруулсан хохирлыг эцэг эх, асран хамгаалагчаар нь төлүүлсэн нь дээр” хэмээхэд эл саналыг эсэргүүцэж УИХ-ын гишүүн Ц.Нямдорж хэлэхдээ “Эцэг эхийн ялыг хүүxдэд, хүүхдийн ялыг эцэг, эхэд нь нялзаана гэж байж болшгүй зүйл. Д.Лүндээжанцан “нохойтож” байна. Ингэж хууль үймүүлж болохгүй” хэмээн ширүүн үг шулуудав.

Энэхүү саналаар байнгын хорооны гишүүд санал хураан 16-аас дээш насны хүүхдэд Зөрчлийн хуулийн дагуу хариуцлага хүлээлгэх нь зүйтэй гэж үзсэн байна.

Эх сурвалж: Шуурхай.мн