Оюутолгойн төлөөх тэмцэл эрчимжиж буй энэ цаг мөчид Р.Фрийдланд өөрийн компаний хүч нөлөөг илүү хүчтэй тогтоохын тулд эрх баригчидтай сүлбэлдэж мөнгө тараах компанит ажил эхлүүлсэн сурагтай. Хамгийн наад захын жишээ гэхэд Айвенхоу Майнзын тусгай шинэ жил 12 сарын 29-нд болох гэнэ. Тэрхүү шинэ жилийн үдэшлэгт УИХ-ын бүх гишүүд, Засгийн газрын сайд, дэд сайдуудыг урьж саарал ордноор урилга тараажээ. “Та манай шинэ жилийн үдэшлэгт ердөө 2 цаг оролцоно уу” гэсэн урилгын ард 20 000 ам долларыг саарал ордонд атгуулж явна.МАН-ын ихэнх ноёд “Айвенхоу Майнз”-ын үдэшлэгт оролцохоо амласан бол АН-аас “Ардчилсан хүчний холбоо”-ны тэргүүн З.Энхболд, С.Эрдэнэ тэргүүтэй эсэргүү гишүүд урилгыг нь ураад буцаасан сурагтай. Р.Фрийдланд “Монголын улс төрд манай компанийн төлөө зүтгэх олон хүн бий. УИХ-ын гишүүдийн 40 хувьд авлига атгуулсан” хэмээн ам алдсан байна. Тэрхүү 40 хувийг 60- 70 хувь болгох нууц хурлыг тэрбээр шинэ жилийн баяртай давхцуулан хийхээр болжээ. Ард түмэн бүхлээрээ хуучин оноо үдэж байхад төрийн түшээд, сайдууд Р.Фрийдлантай монголын газар шороог наймаалцаж шуудай шуудайгаар нь зуутын долларын хахууль авах бололтой.

А.Чимгээ.Factnews.mn