Өчигдрийн Дашнямтай бэлгэтэй сайн өдрөөр Монгол Улсын Ерөнхийлөгч Ц.Элбэгдорж Бурхан Халдун уулын тэнгэрийг тайх төрийн тахилгын ёслолд оролцсон. Ойрын өдрүүдэд Тавантолгойн асуудал таг суусан, Оюутолгойн далд уурхайн санхүүжилтийн төлөвлөгөөнд гарын үсэг зурсан асуудлыг нягталж байгаа, МАН-ын бүлгийн гишүүд сэм сэмхэн уулзалдаж засгаас гарах тухай ярилцах болсон гээд УИХ ерөнхийдөө хүлээлтийн байдалд орчихоод байгаа.

Өчигдөр л гэхэд дарга С.Батцогт нь эзгүй, нутагтаа яваа НББСШУ-ны Байнгын хорооны хуралдааныг МАН-ын бүлгийн гишүүд орхин гарснаар хурал нь хойшилсон. Товчхондоо энэ өдрүүдэд Монгол төрийн ажил нэг л хүлээлтийн шинжтэй, ажин түжин байна.

Өчигдөр ийнхүү төрийн ордон намуухан зүүрмэглэж байхад УИХ-ын гишүүн, аварга Б.Бат-Эрдэнэ Бурхан Халдуны төрийн тахилгад оролцсон шигээ Ерөнхийлөгчтэй селфи хийсэн шиг амарч яваад нь цахим ертөнцөөр нэг тараад авав. Аварга ч аргагүй л хэзээ эзгүй байх, хэнтэй селфидэх, хаана улстөр хийхээ айхтар сүрхий мэддэг болж нэг ёсондоо хал үзэж, хат суусан улстөрч болжээ.
Эх сурвалж: